Erlinq Haland 2025/2026 mövsümündə 30 qol vurdu

Norveç millisinin və İngiltərənin “Mançester Siti” klubunun hücumçusu Erlinq Haland cari mövsümdə həm klub, həm də milli komanda səviyyəsində 30 qol vuraraq bu mövsümün ən məhsuldar oyunçularından biri olub.

90deqiqe.Az xəbər verir ki, o, hazırda davam edən dünya çempionatının 2026-cı il seçmə mərhələsində Estoniya ilə oyunda dubla imza atıb.

2025/2026 mövsümündə Haland “Mançester Siti” üçün 19, Norveç millisində isə 11 qol vurub. 25 yaşlı forvard bu 30 qolun birini penalti ilə reallaşdırıb.

Futbolçunun “Mançester Siti” ilə mövcud müqaviləsi 2034-cü ilin yayına qədər qüvvədədir. Transfermarkt portalına görə, bazar dəyəri 180 milyon avrodur.