“2026-cı il mundialının finalında İtaliya ilə görüşmək istərdim”

Braziliya millisinin baş məşqçisi Karlo Ançelotti 2026-cı il dünya çempionatının ABŞ, Kanada və Meksikada keçiriləcək finalında İtaliya yığması ilə qarşılaşmaq istədiyini açıqlayıb.

90deqiqe.Az xəbər verir ki, "Sky Sport Italy" təcrübəli mütəxəssisin dediklərini belə çatdırıb.

“Ümid edirəm ki, İtaliya mundiala vəsiqə qazanacaq. Onlar bunu etməlidirlər və mən əminəm ki, edəcəklər. Sonra isə finalda görüşəcəyik! Hər kəs xoşbəxt olardı – həm italyanlar, həm brazillilər. Mənim üçün isə bu sadəcə möhtəşəm olardı”

Qeyd edək ki, hazırkı dünya çempionu Argentina millisidir. 2022-ci il mundialının finalında Argentina Fransa ilə qarşılaşıb. Əsas vaxt 3:3 hesabı ilə başa çatmış, penaltı seriyasında isə Argentina 4:2 hesabı ilə qalib gəlib.