İspaniya Gürcüstanı darmadağın etdi

DÇ-2026-nın Avropa zonası üzrə seçmə mərhələsinin V turunda Gürcüstan və İspaniya yığmaları üz-üzə gəlib.

90deqiqe.Az xəbər verir ki, Tbilisidəki “Boris Payçadze” stadionunda keçirilən görüşdə Avropanın hazırkı çempionu qələbəni 4:0 hesabı ilə təmin edib.

Qonaqların heyətində Mikel Oyarzabal 11-ci dəqiqədə penaltidən hesabı açıb. 22-ci dəqiqədə Martin Subimendi fərqi artırıb. Bundan 13 dəqiqə sonra Ferran Torres üçüncü qola imza atıb. Oyunun ikinci hissəsində Oyarzabal 63-cü dəqiqədə duble imza ataraq yekun nəticəni müəyyənləşdirib.

Beş turdan sonra Gürcüstan yığması 3 xalla E qrupunda üçüncü yerdədir. İspaniya isə 5 oyunda 15 xal toplayaraq liderliyini davam etdirir.