“Əgər Belçika De Bruyne, Lukaku və Kurtua olmadan qazana bilmirsə, mundialda işimiz yoxdur”

Belçika millisinin ulduz vingeri Ceremi Doku Qazaxıstana qarşı DÇ-2026-nın seçmə mərhələsində keçirilən səfər oyunundan (1:1) sonra komandanın çıxışından narazılığını bildirib.

90deqiqe.Az xəbər verir ki, "Sporza" futbolçunun dediklərini belə çatdırıb.

“Bəlkə də şans bizim tərəfimizdə deyildi. Amma effektivliyimiz çox aşağıdır. Bu problem Şimali Makedoniya ilə oyunda da var idi, indi də Qazaxıstana qarşı təkrarlandı. Bu nəticə ilə razı qala bilmərik. Əgər Belçika De Bruyne, Lukaku və Kurtua olmadan qalib gələ bilmirsə, mundialda bizə yer yoxdur"

Qeyd edək ki, Belçika yeddi səfər matçından sonra 15 xalla seçmə qrupuna başçılıq edir.