“100 qol vursam belə, Çempionlar Liqasını və ya mundialı qazanmasam ‘Qızıl top’u ala bilmərəm”

“Bavariya”nın bombardiri Harri Keyn “Qızıl top” mübarizəsi ilə bağlı sərt açıqlama verib.

90deqiqe.Az xəbər verir ki, ingilis futbolçu “Bavariya stili” teleqram-kanalına bunları deyib:

“Hətta 100 qol da vura bilərəm, amma əgər Çempionlar Liqasını və ya dünya çempionatını qazanmasam, bu mənə ‘Qızıl top’u gətirməyəcək. Eyni vəziyyət Erlinq Holann və digər namizədlər üçün də keçərlidir. ‘Qızıl top’ üçün əsas olan titullardır”

Qeyd edək ki, 2025/2026 mövsümündə Keyn “Bavariya”nın heyətində 17 oyuna çıxıb, 23 qol və 3 məhsuldar ötürmə ilə yadda qalıb. İngiltərə millisində isə UQ-2026-nın seçmə mərhələsində 7 matçda 6 qol vurub.