Fransa klubu oyunçularını millilərə buraxmayacaq

Afrika Millətlər Kuboku (AFCON) bu il Mərakeşdə dekabrın 21-də start götürəcək.

90deqiqe.Az-ın məlumatına görə, turnirin açılış matçı ev sahibi Mərakeş ilə Komor adaları arasında keçiriləcək.

FIFA klublara oyunçularını millilərə artıq dekabrın 8-dən buraxmağa icazə verə bilər. Lakin çoxsaylı ekspertlər 14 dekabr tarixini daha real hesab edirlər.

"Paris" klubu 4 afrikalı futbolçusunu 14 dekabra qədər millilərə göndərməyəcəyini açıqlayıb.

Bunlar Əlcəzair millisindən Kebbal və Çerqi, Malidən Kamara, Nigeriyadan Mozes Simon və Kot-d’İvuar millisindən Krassodur.

Hazırda klub rəhbərliyi FIFA ilə son qərarın qəbul olunması üçün danışıqlar aparır, lakin artıq bəlli olub ki, bir çox milli komandaların turnirə hazırlığı qarışıq vəziyyətdə olacaq.