2026-cı il Dünya Çempionatının püşkatmasında idman ulduzları iştirak edəcək

2026-cı il Dünya Çempionatının püşkatmasında yalnız futbol ulduzları deyil, digər idman növlərinin tanınmış simaları da iştirak edəcək. 

90deqiqe.Az-ın məlumatına görə, bu barədə Beynəlxalq Futbol Federasiyası (FİFA) rəsmi hesabında məlumat yayıb.

Tədbirdə iştirak edəcək simalar arasında sabiq “Mançester Yunayted” və İngiltərə millisinin futbolçusu Rio Ferdinand, Amerika futbolçuları Elay Manninq və Tom Bredi, sabiq Kanada milli komandasının xokkeyçisi Ueyn Qretzki, “Nyu-York Yanquis”in beysbolçusu Aaron Caddc və dünya basketbol ulduzu Şakil O’Nil yer alır.

Tədbirin aparıcısı isə Samanta Conson olacaq.

Turnir gələn yay Kanada, ABŞ və Meksikanın stadionlarında keçiriləcək.