- Dünya çempionatı
- 22:53 04.12.2025
ABŞ prezidenti Donald Tramp, Kanada baş naziri Mark Karni və Meksika prezidenti Klaudiya Şeynbaum 2026-cı il Dünya Çempionatının final püşkatmasında iştiraklarını təsdiqləyiblər.
90deqiqe.Az-ın məlumatına görə, bu barədə Beynəlxalq Futbol Federasiyası (FİFA) rəsmi saytı məlumat yayıb.
Püşkatma dekabrın 5-də Con F. Kennedi adına İncəsənət Mərkəzində keçiriləcək.
Bu mərhələdə 12 qrupun tərkibi məlum olacaq və hər qrupda dörd milli komanda çıxış edəcək. Tədbir Bakı vaxtı ilə saat 19:00-da başlayacaq.
2026-cı il Dünya Çempionatı tarixdə ilk dəfə 48 milli komandanın iştirakı ilə keçiriləcək. Turnir 11 iyun – 19 iyul tarixlərində təşkil olunacaq.
