Donald Tramp FİFA-nın “Dünya Sülh Mükafatı”nın ilk sahibi oldu

ABŞ prezidenti Donald Tramp 2026-cı il dünya çempionatının qrup mərhələsinin püşkatması zamanı FİFA-nın təsis etdiyi “Dünya Sülh Mükafatı”na layiq görülüb.  

90deqiqe.Az xəbər verir ki, bu barədə Beynəlxalq Futbol Federasiyaları Assosiasiyası (FİFA) məlumat yayıb.

Turnirə ev sahibliyi edəcək ölkələr ABŞ, Kanada və Meksikadır. Tarixi baxımdan bu, 48 milli komandanın iştirak etdiyi ilk dünya çempionatı olacaq. Müsabiqə 11 iyun – 19 iyul 2026-cı il tarixlərində keçiriləcək.

Hazırkı dünya çempionu Argentina yığmasıdır. 2022-ci ilin finalında Argentinalılar Fransanı əsas vaxt 3:3, penaltilər seriyasında isə 4:2 hesabı ilə məğlub edərək çempion adını qazanıblar.

Qeyd edək ki, bu mükafat 2025-ci ilin noyabrında yaradılıb və Tramp onun ilk sahibi olub.