Zidanın oğlu Afrika Millətlər Kubokunda ilk oyununu keçirib

Əlcəzair milli komandasının qapıçısı Luka Zidan Afrika Millətlər Kubokunda debütünü qeyd edib.

90deqiqe.Az xəbər verir ki, 27 yaşlı qapıçı debütü barədə sosial şəbəkədə paylaşım edərək bunları yazıb:

“Bu formanı geyinmək və Afrika Millətlər Kubokunda debüt etmək mənim üçün böyük fəxrdir. Öz gücümdən əminəm və gələcəyə ümidlə baxıram”.

Fransız futbol əfsanəsi Zinəddin Zidanın oğlu olan 27 yaşlı qapıçı Sudan üzərində 3:0 hesablı qələbədə meydanda olub.

Qapıçı əvvəllər Fransa gənclər millisində çıxış edib. 2020-ci ildə Əlcəzair milli komandası ilə çıxış etmək barədə razılıq əldə edib və 2025-ci ilin payızında rəsmi icazə alaraq 14 oktyabrda debüt edib. Hazırda o, iki oyunda iştirak edib və yalnız bir qol buraxıb.