Nigeriya yığması Uqandanı darmadağın etdi və qrupu lider tamamladı

Afrika Millətlər Kubokunda Nigeriya millisi qrup mərhələsində üçüncü qələbəsini qazanıb. 

90deqiqe.Az-ın məlumatına görə, "Super Eagles” Uqanda yığmasını 3:1 hesabı ilə məğlub edib.

28-ci dəqiqədə Fisayo Dele-Başirunun ötürməsindən sonra Pol Onuaçu hesabı açıb. Fasilədən sonra Nigeriya üstünlüyünü daha da artırıb. 57-ci dəqiqədə Uqandanın qapıçısı Camal Salim Osimhenə qarşı epizodda qayda pozduğu üçün meydandan qovulub.

63-cü dəqiqədə Samuel Çukvuezenin ötürməsi ilə Rafael Onedika fərqi iki topa çatdırıb. Dörd dəqiqə sonra isə yenə Çukvuezenin məhsuldar ötürməsindən sonra Onedika dublunu rəsmiləşdirib – 0:3.

Uqanda yığmasının heyətində Rocers Mato bir qol vuraraq hesabı müəyyənləşdirib – 1:3.

Bu qələbə sayəsində Nigeriya yığması 9 xalla qrupda birinci yeri tutub. Uqanda isə 1 xalla sonuncu pillədə qalıb.