"Fliki başa düşürəm, amma vicdanım təmizdir"

“Barselona” və İspaniya milli komandası payızda Lamin Yamalın qasıq nahiyəsindəki zədəsi ilə bağlı fikir ayrılığı yaşayıb.  

90deqiqe.Az-ın "AS"a istinadən məlumatına görə, İspaniya milli komandanın baş məşqçisi Luis de la Fuente mövzu ilə bağlı fikirlərini bölüşüb:

“Mən Flikin mövqeyini başa düşürəm, o da mənim mövqeyimi anlayır – çünki o da millinin baş məşqçisi olub, Almaniya millisində. Mən yalnız məsuliyyətimə fokuslanmışam və komandaya ən yaxşı oyunçuları cəlb etməliyəm. Bu səbəb hər bir qərarımızı əsaslandırır. Vurğulamaq istəyirəm ki, futbolçuların sağlamlığı bizim üçün prioritetdir. Bunu sübut edə bilərik. Hər hansı şübhə olduqda – Yamal və ya başqası – oyunçu meydana çıxmayıb və klubuna qaytarılıb. Vicdanım təmizdir.”

Sentyabr ayında “mavi-qırmızılar”ın baş məşqçisi Hans-Diter Flik milli komandada Yamalın sağlamlıq vəziyyətini nəzərə almadan istifadə edilməsinə etirazını açıqlamışdı.

Xatırladaq ki, gələn yay İspaniya millisi Dünya çempionatında mübarizə aparacaq.