Qabon milli komandası fəaliyyətini dayandırdı

Qabon idman nazirliyi Afrika Millətlər Kubokunda uğursuz çıxışından sonra milli komandanın fəaliyyətini dayandırmaq qərarı verib.

90deqiqe.Az xəbər verir ki, bu barədə "The Guardian" məlumat yayıb.

Məlumata görə, Qabon hakimiyyətləri milli komandanın Afrika Kubokundakı oyunundan narazı qalıb və komandanın ləğvi qərarına gəlib. Həmçinin, heyətdən “Marsel”in hücumçusu Pyer-Emerik Obameyanq və 37 yaşlı müdafiəçi Bryuno Ekuel-Manga çıxarılıb. Qabon millisinin baş məşqçisi Tiyerri Muyuma isə istefaya göndərilib.

Afrika Kubokunda Qabon komandası qrup mərhələsində bütün üç matçda uduzub: Kamerun (0:1), Mozambik (2:3) və Kot-d’İvuar (2:3).