Seneqal Sudana qalib gəldi

Afrika Millətləri Kubokunun (AFCON 2025) 1/8 final mərhələsində Seneqal milli komandası Sudanla qarşılaşıb.

 90deqiqe.Az-ın məlumatına görə, Tanjer şəhərindəki “Stade Ibn Batouta” stadionunda keçirilən görüşdə Seneqal millisi rəqibi üzərində 3:1 hesablı qələbə qazanıb.

Matçın 6-cı dəqiqəsində Sudan millisinin yarımmüdafiəçisi Aamir Abdalla hesabı açıb. İlk hissədə Seneqal yarımmüdafiəçisi Pap Qaye həm hesabı bərabərləşdirib, həm də ikinci qolunu vuraraq komandasına üstünlük qazandırıb. Oyunun 77-ci dəqiqəsində Seneqalın hücumçusu İbrahim Mbaye nəticəni 3:1-ə çatdırıb.

AFCON 2025 Mərakeş ev sahibliyi ilə keçirilir. Turnirdə 24 milli komanda iştirak edir və bunlar altı qrupa bölünüb. Yarış 18 yanvara qədər davam edəcək. Qeyd edək ki, sonuncu turnirin qalibi Fildişi Sahili olub; onlar 2023-cü ildə finalda Nigeriyanı 2:1 hesabı ilə məğlub etmişdilər.