Mane Afrika Millətlər Kuboku tarixində rekord qol vurdu

Afrika Millətlər Kubokunun yarımfinalında Seneqal və Misir yığmaları qarşılaşıb.

90deqiqe.Az-ın məlumatına görə, matç Sadio Manenin 78-ci dəqiqədə vurduğu yeganə qolla başa çatıb. Bu nəticə ilə Məhəmməd Salahın komandası turnirlə vidalaşıb.

Qol həm də turnir tarixində rekord əhəmiyyət daşıyıb. Belə ki, Mane Afrika Millətlər Kubokunun cari buraxılışında vurulan 120-ci qolun müəllifi olub. Bununla da 2023-cü ildə qeydə alınan 119 qolluq əvvəlki rekord yenilənib.

Afrika Millətlər Kubokunun son qalibi olan Seneqal yığması finalda Mərakeşlə qarşılaşacaq. Final oyunu 18 yanvar tarixində Rabat şəhərində baş tutacaq.