Nigeriya Misiri penaltilərdə məğlub edərək Afrika Kubokunda bürünc medallara sahib oldu

2025-ci il Afrika Millətlər Kubokunda üçüncü yer uğrunda oyun başa çatıb. Qarşılaşmada Misir və Nigeriya milli komandaları üz-üzə gəlib.

90deqiqe.Az xəbər verir ki, Mərakeşin Kasablanka şəhərində yerləşən “Məhəmməd V” stadionunda keçirilən görüşü yerli referi Cəlal Ciyed idarə edib. Əsas vaxtda tərəflər qol vura bilmədiyi üçün qalib penaltilər seriyasında müəyyənləşib. Bu mərhələdə daha dəqiq olan Nigeriya millisi 4:2 hesabı ilə qalib gələrək turniri üçüncü pillədə başa vurub.

Penaltilər seriyasında Misir yığmasının hücumçusu Məhəmməd Salah zərbəni dəqiq yerinə yetirə bilməyib.

Xatırladaq ki, yarımfinal mərhələsində Nigeriya Mərakeşə 0:0 (penaltilər — 2:4), Misir isə Seneqala 0:1 hesabı ilə məğlub olub.

Afrika Millətlər Kuboku — 2025 Mərakeşdə keçirilir. Turnirdə ümumilikdə 24 milli komanda iştirak edib və yarış yanvarın 18-dək davam edəcək. Afrika Kubokunun hazırkı qalibi Kot-d’İvuar yığmasıdır.