Ançelotti Endriki yenidən Braziliya millisinə çağırır

Braziliya millisinin baş məşqçisi Karlo Ançelotti hücumçu Endriklə bağlı vacib qərar qəbul edib.

90deqiqe.Az-ın "The Touchline"yə istinadən məlumata görə, mütəxəssis gənc futbolçunu milli komandanın yaxın vaxtlarda keçiriləcək təlim-məşq toplanışına dəvət etməyi planlaşdırır.

Endrik mart 2025-ci ildən sonra ilk dəfə yenidən “selesao”nun düşərgəsinə qayıda bilər.

Qeyd edək ki, son çağırışdan sonra Endrik səhhətindəki problemlər və az oyun praktikası səbəbindən milli komandaya dəvət almamışdı.

Xatırladaq ki, Endrik bu qış “Real”dan “Lion”a icarə əsasında keçib. 18 yaşlı hücumçu yeni komandasında keçirdiyi 5 oyunda 5 qol vurub və 1 məhsuldar ötürmə edib.

Qeyd edək ki, Braziliya millisi yayda dünya çempionatında iştirak edəcək.