- Dünya çempionatı
- 21:03 12.02.2026
İngiltərə Futbol Assosiasiyası milli komandanın baş məşqçisi Tomas Tuxellə müqaviləni uzadıb.
90deqiqe.Az-ın məlumatına görə, yeni razılaşmaya əsasən, o, yığmanı 2028-ci il Avropa çempionatının sonuna qədər çalışdıracaq.
Alman çalışdırcıı qərarla bağlı deyib: “İndiyədək keçirdiyim hər dəqiqədən zövq aldığım sirr deyil. İngiltərə ilə müqaviləmi uzatdığım üçün çox xoşbəxt və qürurluyam. Ölkəni qürurlandırmaq üçün əlimizdən gələni edəcəyik”.
52 yaşlı mütəxəssisin əvvəlki sözləşməsi 2026-cı il dünya çempionatından sonra başa çatmalı idi.
Qeyd edək ki, 2028-ci il Avropa çempionatının final mərhələsinə İngiltərə, Uels, Şotlandiya və İrlandiya Respublikası ev sahibliyi edəcək.
Entoni Barri, Enrike İlario, Niko Mayer və Ceyms Melburn 2028-ci ilin yayına qədər Tuxelin məşqçilər heyətində qalacaq.
Xatırladaq ki, Tuxelin rəhbərliyi altında İngiltərə millisi seçmə mərhələdə 8 oyunun hamısında qalib gələrək 2026-cı il dünya çempionatına vəsiqə qazanıb.
