FIFA klubları 211,5 milyon avronun bölüşdürülməməsinə görə narazıdır

Dünya üzrə bir sıra klublar FIFA-nın hələ də 211,5 milyon avronu Klub Dünya Çempionatında iştirak etməyən komandalar arasında bölüşdürməməsindən narahatdır.

90deqiqe.Az-ın "The Guardian"a  istinadən məlumatına görə, bir neçə ay keçməsinə baxmayaraq, FIFA pulun altı konfederasiya arasında necə bölünəcəyi barədə hələ də mexanizm hazırlamayıb. Xüsusilə kiçik liqalardan olan klublar narahatdır, çünki onların gəlirləri sabit deyil və hətta az miqdarda maliyyə dəstəyi belə onlar üçün vacib ola bilər.

Hazırda altı konfederasiyanın fərqli təmsilçiliyi və əksər konfederasiyalarda (UEFA istisna olmaqla) maliyyə bölüşdürmə mexanizminin olmaması vəziyyəti daha da mürəkkəbləşdirir. FIFA bildirir ki, klublar və konfederasiyalarla danışıqlar davam edir, lakin bir sıra ölkələrin futbol nümayəndələri hələ də konkret qərar görməyib.