Endrikin Braziliya millisinə qayıtmaq ehtimalı artıb

Qış transfer pəncərəsində "Real Madrid"dən icarə əsasında "Lion"a keçən Endrik Fransada sərgilədiyi oyunla diqqət çəkməyi bacarıb.

90deqiqe.Az-ın "The Athletic"ə  istinadən məlumatına görə, gənc forvardın Braziliya millisinə yenidən dəvət alma ehtimalı yüksəlib.

Bildirilir ki, mart ayında Braziliya yığması Fransa və Xorvatiya ilə yoldaşlıq görüşləri keçirəcək. Baş məşqçi heyətinin Endrikin namizədliyini nəzərdən keçirdiyi vurğulanır.

Xatırladaq ki, 18 yaşlı hücumçu sonuncu dəfə 26 mart 2025-ci ildə Braziliya millisində forma geyinib. Son bir il ərzində isə ya sağlamlıq problemləri, ya da kifayət qədər oyun praktikasının olmaması səbəbindən yığmaya çağırılmayıb.