UEFA “Finallissima”nın yerini dəyişdirməyəcək

Martın 27-də Qətərdə hazırkı Avropa çempionu (İspaniya) və hazırkı Amerika Kubokunun sahibi (Argentina) arasında kubok döyüşü olan "Finalissima"nın keçirilməsi planlaşdırılır.

90deqiqe.Az xəbər verir ki, regionda davam edən hərbi əməliyyatlar səbəbindən oyunun başqa ölkəyə keçirilməsi ehtimalı müzakirə mövzusuna çevrilmişdi.

Lakin Avropa Futbol Assosiasiyaları İttifaqı (UEFA) rəsmi açıqlama yayıb. Qurum bildirib ki, hazırda oyunun alternativ yeri nəzərdən keçirilmir. Eyni zamanda UEFA qeyd edib ki, Qətər təşkilatçıları ilə əlaqələr davam edir və yekun qərar oyuna qədər veriləcək.

Finallissima, Avropa çempionu ilə Amerika Kubokunun qalibi arasında trofey uğrunda keçirilən xüsusi oyun olaraq futbolsevərlər tərəfindən maraqla gözlənilir.