İran 2026-cı il dünya çempionatında iştirakdan imtina etdi

İranın idman naziri Əhməd Doniyamali bildirib ki, milli futbol komandası 2026-cı il dünya çempionatında iştirak etməyəcək.

90deqiqe.Az-ın "TV2"yə istinadən məlumatına görə, Doniyamali deyib ki, İran turnirdə ABŞ və İsrail ilə mürəkkəb siyasi münasibətlər səbəbindən iştirak etməyəcək.

Qrup mərhələsinin nəticələrinə əsasən, İran millisi G qrupunda Belçika, Misir və Yeni Zelandiya ilə qarşılaşmalı idi. Əvvəlki məlumatlara görə, əgər İran turnirdən imtina edərsə, FİFA 2022-ci ildən rəsmi yarışlardan kənarlaşdırılmış Rusiya millisini turnirə dəvət edə bilər.

Qeyd edək ki, gələcək dünya çempionatı ABŞ-da keçiriləcək, bəzi oyunlar isə Kanada və Meksikada olacaq.

Əlavə edək ki, 2026-cı il dünya çempionatı 11 iyun – 19 iyul tarixlərində keçiriləcək və turnirdə ilk dəfə 48 milli komanda mübarizə aparacaq.