Afrika Kuboku finalının qərarına rəsmi etiraz

Seneqal Futbol Federasiyası Afrika Kubokunun 2026-cı il finalı ilə bağlı qərara etirazını CAS-a təqdim edəcəyini açıqlayıb.

90deqiqe.Az xəbər verir ki, bu barədə Federasiyanın rəsmi saytından məlumat yayılıb. 

Məlumatda, təşkilatın Seneqal futbolunun hüquqlarını “mövcud olan bütün qanuni vasitələrlə müdafiə etməyə” hazır olduğu bildirilib.

Xatırladaq ki, Afrika Futbol Konfederasiyası Mərakeşin apellyasiyasını təmin edərək, Seneqal millisinə finalda 0:3 hesablı məğlubiyyət yazmışdı. Bu qərar 90+8-ci dəqiqədə Braime Diyasın üzərinə edilən faul nəticəsində təyin olunan penaltidən sonra meydandan çıxması səbəbindən verilib.

Həmin oyun 13 dəqiqəlik fasilədən sonra bərpa olunub və Seneqal milli komandası əlavə vaxtda 1:0 hesablı qələbə qazanıb.