- Dünya çempionatı
- 11:50 20.03.2026
Beynəlxalq Futbol Federasiyasının İntizam Komitəsi İsrail Futbol Assosiasiyasını çoxsaylı qayda pozuntularına görə cərimələyib.
90deqiqe.Az-ın "L'Équipe"yə istinadən məlumatına görə, qurum İsrail Futbol Assosiasiyasını yarışlardan kənarlaşdırmaq qərarı verməyib. Bununla belə, assosiasiya ayrı-seçkiliyə qarşı öhdəliklərin “ciddi və təkrar pozulması” səbəbindən 150 min İsveçrə frankı (təxminən 165 min avro) məbləğində cərimə olunub.
40 səhifədən ibarət qərarda İsrail futbolunda baş vermiş bir sıra irqçilik halları sadalanır. Həmçinin qeyd olunur ki, assosiasiya irqçiliyi pisləyən heç bir ictimai bəyanat verməyib, ayrı-seçkiliyə qarşı heç bir kampaniya həyata keçirməyib və ərəb və ya fələstinli oyunçuların futbola cəlb olunması istiqamətində addımlar atmayıb.
