"Musiala istənilən an oyunun gedişatını dəyişə bilər"

"Bavariya"nın yarımmüdafiəçisi Coşua Kimmix Münhen klubu və Almaniya milli komandasındakı komanda yoldaşı Camal Musial haqqında fikirlərini bölüşüb.

90deqiqe.Az xəbər verir ki, futbolçu bu barədə jurnalistlərə açıqlamasında deyib.

"Camal "Bavariya" və Almaniya milli komandası üçün çox vacib oyunçudur. Hamımız onun tez sağalmasını ümid edirik. O, ötən yay çox ciddi zədə aldı. Əvvəlki səviyyəyə dərhal qayıtmaq asan deyil. Düşünürəm ki, o, oynadığı oyunlarda, xüsusən də start heyətində yaxşı çıxış etdi. O, xüsusi oyunçu olduğunu göstərdi. Hazırda "Bavariya"da yaxşı səviyyədə oynasaq da, bilirik ki, Camal meydanda olanda istənilən vaxt oyunun gedişatını dəyişə bilər. O, bizim üçün son dərəcə vacibdir, çünki futbolda nadir hallarda rast gəlinən keyfiyyətlərə malikdir"

Xatırladaq ki, 2025-ci ilin iyul ayında Musiala PSJ ilə keçirilən FIFA Klublararası Dünya Kuboku matçında fibula və bağ zədəsi almışdı. O, əməliyyat olunmuşdu və yalnız bu ilin əvvəlində meydana qayıtmışdı.