Neymarın dünya çempionatına hazırlıq planı bəlli oldu

“Santos” klubunun hücumçusu Neymarın 2026-cı il dünya çempionatına yaxşı formada çatmasına kömək edəcək xüsusi planı var.

90deqiqe.Az-ın "Globo Esporte"yə istinadən məlumatına görə, Neymarın optimal formada qalması üçün onun üzərinə düşən yük tənzimlənəcək.

Braziliya millisinin dünya çempionatı üçün heyəti açıqlanana qədər (18 may) “Santos” 14 oyun keçirəcək və Neymar bu matçların ən azı yarısında iştirak etməlidir.

34 yaşlı hücumçu milli komandaya dəvət alacağı halda, mundial öncəsi zədələnmə riskini azaltmaq üçün artıq “Santos”un oyunlarında iştirak etməyəcək.

Neymar “Santos”un bəzi qarşılaşmalarını buraxacaq.Bunlara uzun səfər və dəniz səviyyəsindən yüksək şəraitə görə Ekvadorda keçiriləcək oyun, həmçinin Braziliya çempionatında süni örtüklü meydançada baş tutacaq matç daxildir.