“Karlo Ançelotti Braziliya üçün düzgün seçimdir”

"Milan" və Braziliya millisinin keçmiş hücumçusu Aleksandr Pato milli komandanın baş məşqçisi Karlo Ançelotti haqqında fikirlərini bölüşüb.

90deqiqe.Az xəbər verir ki, "The Athletic" sabiq futbolçunun dediklərini belə çatdırıb.

"O, ulduzları necə idarə etməyi bilir. O, sadəcə məşqçi deyil. O, Braziliya üçün doğru adamdır"

Sabiq futbolçu həmçinin qeyd edib ki, Neymarın milli komandaya dəvət olunması tamamilə məşqçidən asılı deyil. Patonun fikrincə, “Santosa”nın hücumçusu Dünya Çempionatına dəvət qazanmaq üçün oyunla özünü göstərməlidir.

Xatırladaq ki, iyun ayında ABŞ, Kanada və Meksikada keçiriləcək Dünya Çempionatında Braziliya milli komandası qrup mərhələsində Mərakeş, Haiti və Şotlandiya komandaları ilə üz-üzə gələcək.