Qattuzo millidən göndərilə bilər

İtaliya millisinin baş məşqçisi Cennaro Qattuzo yaxın gələcəkdə vəzifəsindən uzaqlaşdırıla bilər.

90deqiqe.Az-ın "The Touchline"yə istinadən məlumatına görə, “skuadra adzurra” dünya çempionatına vəsiqə qazana bilməyəcəyi təqdirdə, mütəxəssis böyük ehtimalla postunu itirəcək.

Bildirilir ki, İtaliya Futbol Federasiyasında mümkün məğlubiyyət halında Qattuzo üçün hər hansı bəraətin qəbul olunmayacağı düşünülür.

Qeyd edək ki, İtaliya millisi dünya çempionatı – 2026-nın seçmə mərhələsinin pley-off finalında Bosniya və Herseqovina ilə qarşılaşacaq. Oyun martın 31-də, saat 22:45-də start götürəcək.