Ançelotti mundialla bağlı iddialı danışdı

Braziliya millisinin baş məşqçisi Karlo Ançelotti 2026-cı il dünya çempionatı ilə bağlı fikirlərini bölüşüb.

90deqiqe.Az xəbər verir ki, jurnalist Fabrisio Romano çalışdırıcının dediklərini belə çatdırıb.

 “Dünya çempionatı öncəsi həyəcan hiss etmirəm. Özümü xoşbəxt, motivasiyalı, inamlı və sakit hiss edirəm. Düşünürəm ki, yaxşı komanda strukturumuz və effektiv işləyən sağlam atmosferimiz var. Biz sakitik”, – deyə mütəxəssis bildirib.

Qeyd edək ki, Ançelotti məşqçilik karyerası ərzində daha əvvəl heç vaxt milli komandaya rəhbərlik etməyib.

Xatırladaq ki, 2026-cı il dünya çempionatı ABŞ, Kanada və Meksikada keçiriləcək. Braziliya millisi C qrupunda Mərakeş, Haiti və Şotlandiya yığmaları ilə mübarizə aparacaq.