Ərdoğan İnfantino və nümayəndə heyətini qəbul edib

Türkiyə Prezidenti Rəcəb Tayyib Ərdoğan Beynəlxalq Futbol Federasiyaları Assosiasiyasının (FİFA) prezidenti Canni İnfantino və onu müşayiət edən nümayəndə heyətini qəbul edib.

90deqiqe.Az xəbər verir ki, Türkiyə Prezidentinin Dolmabağça İş Ofisində keçirilən qəbul zamanı Beynəlxalq Futbol Federasiyaları Assosiasiyasının prezidenti Canni İnfantino, Türkiyə Prezidenti Rəcəb Tayyib Ərdoğana üzərində “Ərdoğan” yazılmış 26 nömrəli forma, dünya çempionatının maketi və mundialda istifadə olunan topu hədiyyə edib.

Görüşdə gənclər və idman naziri Osman Aşkın Bak, Prezidentin xarici siyasət və təhlükəsizlik məsələləri üzrə baş müşaviri, səfir Akif Çağatay Kılıç, eləcə də Türkiyə Futbol Federasiyasının prezidenti İbrahim Hacıosmanoğlu iştirak ediblər.

İbrahim Hacıosmanoğlu da öz növbəsində Rəcəb Tayyib Ərdoğana Azərbaycan milli komandasına bənzər Türkiyə A milli komandasının formasını hədiyyə edib.