"ABŞ çox güclü milli komandaya sahibdir"

Amerikalı yarımmüdafiəçi Kristian Pulişiç ABŞ milli komandasının hazırkı gücünü yüksək qiymətləndirib.  

90deqiqe.Az-ın “pianetamilan.it”ə istinadən məlumatına görə, futbolçu bildirib ki, milli komandadakı oyunçuların böyük əksəriyyəti öz klublarında stabil və yüksək səviyyəli performans sərgiləyir.

“Komandaya baxanda görürəm ki, futbolçuların əksəriyyəti klublarında yaxşı çıxış edir. Bizim güclü kollektivimiz var. Heyətin dərinliyi və ehtiyat oyunçular skamyası da yüksək səviyyədədir. Mən ABŞ millisinin çox güclü olduğunu düşünürəm”, – deyə Pulişiç qeyd edib.

Xatırladaq ki,ABŞ yığması tarixində ikinci dəfə öz ölkəsində keçiriləcək dünya çempionatında iştirak etməyə hazırlaşır. ABŞ ilk dəfə 1994-cü ildə dünya çempionatına ev sahibliyi edib.