Qnabri zədə səbəbindən dünya çempionatını buraxacaq

“Bavariya”nın hücumçusu Serj Qnabri bud nahiyəsindən aldığı zədə səbəbindən Almaniya millisinin tərkibində 2026-cı il dünya çempionatında iştirak edə bilməyəcək.

90deqiqe.Az-ın məlumatına görə, futbolçu 3–4 ay yaşıl meydanlardan kənar qalacaq.

Qnabri sosial şəbəkə hesabında paylaşım edərək vəziyyəti belə şərh edib:

“Son günlər mənim üçün asan keçmədi. Dünya çempionatı ilə bağlı arzum təəssüf ki, puç oldu. Bütün ölkə kimi, mən də komandamızı evdən dəstəkləyəcəyəm.”

2026-cı il dünya çempionatı gələn yay ABŞ, Kanada və Meksikada keçiriləcək. Almaniya E qrupunda yer alaraq Küraçao, Fil Dişi Sahili və Ekvador milliləri ilə qarşılaşacaq.