"Real Madrid"in futbolçusu dünya çempionatını buraxacaq

"Real Madrid" klubunun müdafiəçisi Eder Militao 2026-cı il dünya çempionatını zədə səbəbindən buraxacaq.

90deqiqe.Az xəbər verir ki, braziliyalı futbolçunun sol bud nahiyəsindən aldığı yeni zədə səbəbindən əməliyyat olunacağı gözlənilir və o, iyunda start götürəcək mundiala qədər tam sağala bilməyəcək.

Qeyd edək ki, 28 yaşlı müdafiəçi cari mövsümdə bütün turnirlər daxil olmaqla 21 oyunda meydana çıxıb, 2 qol vurub və 1 məhsuldar ötürmə ilə yadda qalıb.

Xatırladaq ki, 2026-cı il dünya çempionatında Braziliya milli futbol komandası C qrupunda Haiti, Mərakeş və Şotlandiya yığmaları ilə mübarizə aparacaq. Turnir 11 iyun – 19 iyul tarixlərində ABŞ, Kanada və Meksikada keçiriləcək.