Tramp dünya çempionatının bilet qiymətlərini tənqid etdi

ABŞ Prezidenti Donald Trump futbol üzrə dünya çempionatının qrup mərhələsində ABŞ – Paraqvay oyunu üçün 1120 dollar ödəməyəcəyini bildirib.

90deqiqe.Az xəbər verir ki, Amerika lideri mundial oyunlarının biletlərinin həddindən artıq baha olduğunu etiraf etsə də, qarşıdakı turnirin tarixdə ən böyük kommersiya uğurlarından birinə çevrilə biləcəyini vurğulayıb.

“Əlbəttə, orada olmaq istəyərdim, amma düzünü desəm, mən də bu qədər pul ödəməzdim. İstəyərdim ki, mənə səs verən insanlar da oyunlara gedə bilsinlər. Satışların çox uğurlu getdiyini bilirəm. Müxtəlif rekordlar qeydə alınır”, – deyə Tramp bildirib.

Qeyd olunur ki, azarkeşlər biletlərin qiymət siyasətinə yenidən baxılması və satışların müvəqqəti dayandırılması tələbi ilə FIFA-ya iki dəfə müraciət ünvanlayıblar.