Messi dünya çempionatının favoritlərini açıqladı

Argentina millisinin kapitanı və hücumçusu Lionel Messi qarşıdan gələn dünya çempionatı ilə bağlı fikirlərini bölüşüb.

90deqiqe.Az-ın məlumatına görə, "İnter Mayami"də çıxış edən forvard Fransa, İspaniya, Braziliya və Portuqaliya yığmalarının turnirin favoriti olduğunu bildirib

“Biz anlamalıyıq ki, bizdən başqa turnirə ən yaxşı formada gələn digər favoritlər də var.

Fransa yenidən çox güclüdür, heyətində yüksək səviyyəli çox sayda futbolçu var. Həmçinin İspaniya və Braziliya da var. Braziliya son dövrlərdə ən yaxşı oyununu göstərməsə də, hər zaman qələbəyə iddialı komandadır. Məncə, Portuqaliya da çox rəqabətədavamlı heyətə sahibdir”, — deyə Messi jurnalist Pollo Alvaresə müsahibəsində bildirib.

Qeyd edək ki, Argentina millisi hazırkı dünya çempionudur.