Norveç millisi Xaykinlə bağlı qərar verdi

Norveç milli komandası “Budyo Qlimt”in qapıçısı Nikita Xaykinə yaxın dünya çempionatında güvənməyəcək.

90deqiqe.Az-ın “TV2"ə istinadən məlumatına görə,  milli komanda futbolçuya FİFA tərəfindən müsbət qərar veriləcəyi təqdirdə belə onu heyətə daxil etməməyi planlaşdırır.

Daha əvvəl Norveç mətbuatı bildirmişdi ki, beynəlxalq futbol qurumu Xaykinin Norveçi beynəlxalq arenada təmsil etməsinə hələ icazə verməyib. Səbəb kimi futbolçunun ölkədə yaşama müddəti ilə bağlı qaydalar göstərilir.

Bununla belə, “Budyo Qlimt” klubunun nümayəndələri daha sonra açıqlama verərək, Xaykinlə bağlı FİFA-dan hələ yekun qərarın çıxmadığını qeyd ediblər.