“Dünya çempionatında bir olacağıq və kuboku Braziliyaya qaytarmalıyıq”

“Santos” klubunun hücumçusu Neymar qarşıdan gələn dünya çempionatı ərəfəsində Braziliya millisinin hədəflərindən danışıb.

90deqiqe.Az xəbər verir ki, turnir üçün milliyə dəvət alan təcrübəli futbolçu komandanın böyük ambisiyalarla çıxış edəcəyini bildirib.

“Xatırlayın, bu dünya çempionatında biz bir tam olacağıq. Bütün gücümüzü ortaya qoyacağıq. Biz kuboku Braziliyaya qaytarmalıyıq”, – deyə Neymarın sözlərini jurnalist Fabritsio Romano sitat gətirib.

Qeyd edək ki, Karlo Ançelottinin rəhbərlik etdiyi Braziliya millisi qrup mərhələsində Mərakeş, Şotlandiya və Haiti yığmaları ilə qarşılaşacaq. Komanda mundiala 14 iyun tarixində Mərakeşlə oyunla start verəcək.

Braziliya millisi dünya çempionatları tarixinin ən titullu komandasıdır. Cənubi Amerika təmsilçisi indiyədək beş dəfə dünya çempionu olub.