Norveç millisinin dünya çempionatı üçün geniş heyəti açıqlanıb

Norveç milli futbol komandası 2026-cı il dünya çempionatı üçün heyətini açıqlayıb.

90deqiqe.Az-ın məlumatına görə, siyahıda “Mançester Siti”nin hücumçusu Erlinq Haland, “Arsenal”ın kapitanı və İngiltərə çempionu Martin Edeqor yer alıb.

Bundan başqa, Avropa futbolunda tanınan bir sıra norveçli futbolçular da heyətə daxil edilib. Onlar arasında Aleksandr Sörlot (“Atletiko Madrid”), Yulian Ryerson (“Borussiya Dortmund”), Yörgen Strand Larsen (“Kristal Pelas”) və “Sevilya”nın qapıçısı Örjan Niland var.

Qeyd edək ki, Norveç yığması qrup mərhələsində İraq, Seneqal və Fransa komandalarına qarşı mübarizə aparacaq. Bu, 2002-ci ildən sonra Norveç millisinin ilk böyük beynəlxalq turniri olacaq.