- Dünya çempionatı
- 23:24 25.05.2026
İspaniya milli komandası 2026-cı il dünya çempionatı üçün yekun heyətini açıqlayıb.
90deqiqe.Az-ın məlumatına görə, heyətdə Madrid klubunun heç bir futbolçusu yer almayıb. Bu, tarixdə ilk dəfədir ki, İspaniya dünya çempionatında Madrid klubunun oyunçuları olmadan çıxış edəcək.
Madrid klubunun müdafiəçisi Din Hoysens İspaniya milli komandasının baş məşqçisi Luis de la Fuentenin onu heyətə daxil etməməsi qərarına sosial şəbəkələrdə reaksiya verib. O, La Liqanın mövsüm üzrə rəmzi komandasının statistik göstəricilərə əsaslanan siyahısını paylaşıb. Din Hoysens həmin rəmzi komandada yer alır.
Bu paylaşım onun İspaniya milli komandasının heyətində yer almağa layiq olduğunu düşündüyünü göstərir.
2026-cı il dünya çempionatının qrup mərhələsində İspaniya milli komandası Kabo-Verde, Səudiyyə Ərəbistanı və Uruqvay milli komandaları ilə qarşılaşacaq.
