“Real”ın futbolçusu Argentina millisinin dünya çempionatı heyətindən kənarda qaldı

Madrid “Real”ının yarımmüdafiəçisi Franko Mastantuono 2026-cı il Şimali Amerikada keçiriləcək dünya çempionatında Argentina millisinin heyətində iştirak edə bilməyəcək.

90deqiqe.Az-ın məlumatına görə, bu barədə “TyC Sports” məlumat yayıb. Qərarı Argentina millisinin baş məşqçisi Lionel Skaloni verib.

Mastantuono ötən mövsümü “River Pleyt”dən Madrid klubuna keçdikdən sonra “Real”da keçirib. Daha əvvəl futbolçunun yayda Madrid klubundan ayrılacağı və kifayət qədər oyun praktikası qazanmayacağına görə narahat olduğu bildirilirdi.

Xatırladaq ki, günlər öncə İspaniya millisinin də mundial üçün heyəti açıqlanıb. İlk dəfə tarixdə “Real”ın heç bir futbolçusu “Qırmızı furiya”nın dünya çempionatı siyahısına daxil edilməyib.