Uokerdən məşqçiyə çağırış

İngiltərə millisinin müdafiəçisi Kayl Uoker yığmanın qarşıdakı dünya çempionatına heyəti ilə bağlı fikirlərini bildirib.

90deqiqe.Az xəbər verir ki, futbolçu heyətə “Nottingem Forest”in hücumçusu Morqan Qibbs-Uaytın dəvət olunmalı olduğunu düşünür.

O, ötən mövsüm İngiltərə Premyer Liqasında komandasını elitada saxlamaqda mühüm rol oynayıb və azı 15 qol vurub.

“Dünya çempionatına Morqan Qibbs-Uaytı aparardım. O, möhtəşəm mövsüm keçirdi”, - deyə Uoker bildirib.

Qeyd edək ki, dünya çempionatı 11 iyun tarixində start götürəcək. İngiltərə milli komandası qrup mərhələsində Xorvatiya, Panama və Qana yığmaları ilə qarşılaşacaq.