“Ronaldo və Neymarla Dünya Çempionatında qarşılaşmaq istəyirəm”

Fransa millisinin və “Real”ın hücumçusu Kilian Mbappe 2026-cı il dünya çempionatı ilə bağlı maraqlı açıqlama verib.

90deqiqe.Az xəbər verir ki, fransalı ulduz turnirdə Kriştiano Ronaldo və Neymarla eyni meydanda olmağı arzuladığını bildirib.

"Mən Dünya Çempionatında Kriştiano Ronaldo və Neymarla qarşılaşmağı xəyal edirəm. Bu, onların son dünya çempionatı olacaq…", - deyə Mbappe jurnalist Fabritsio Romanoya istinadən “Sorare” YouTube kanalına açıqlamasında bildirib.

Qeyd edək ki, Fransa millisi DÇ-2026-nın qrup mərhələsində Seneqal, Norveç və İraq yığmaları ilə mübarizə aparacaq.

Fransa yığması 2022-ci il dünya çempionatının finalçısı olub. Həmin qarşılaşmada “üçrənglilər” Argentina millisindən məğlubiyyət alaraq turniri ikinci yerdə başa vurmuşdu.