İran millisi DÇ-2026 üçün Meksikaya köçürüldü

İran milli komandası 2026-cı il dünya çempionatı zamanı məskunlaşacağı bazaya yerləşmək üçün Meksikaya gəlib.

90deqiqe.Az xəbər verir ki, bu barədə "BBC" məlumat yayıb.

Mənbənin bildirdiyinə görə, İran yığmasının ilkin olaraq ABŞ-nin Arizona ştatında yerləşməsi planlaşdırılırdı. Lakin ABŞ ilə İran arasında yaranmış gərginlik fonunda FIFA komandanın bazasını dəyişməsinə icazə verib.

Qeyd olunur ki, İran millisi dünya çempionatına yola düşməzdən əvvəl azarkeşlər tərəfindən antiamerikan şüarları ilə yola salınıb.

İran yığması ardıcıl dördüncü dəfə qatılacağı dünya çempionatının qrup mərhələsində Belçika, Misir və Yeni Zelandiya milliləri ilə qarşılaşacaq.

Komandanın qrup mərhələsində keçirəcəyi hər üç oyun ABŞ ərazisində baş tutacaq. Turnirə isə ABŞ, Kanada və Meksika birgə ev sahibliyi edəcək.