“Fransa DÇ-2026-nın əsas favoriti sayılır”

“Mançester Yunayted”in sabiq futbolçusu Qari Nevill 2026-cı il futbol üzrə dünya çempionatı ilə bağlı fikirlərini bölüşüb.

90deqiqe.Az xəbər verir ki, keçmiş müdafiəçi Fransa millisinin turnirin əsas favoritlərindən biri olduğunu bildirib.

Nevillin sözlərinə görə, Didye Deşamın komandası geniş heyət və yüksək keyfiyyətli futbolçular sayəsində istənilən oyun üslubuna uyğunlaşa bilir.

“Onlarda fiziki gücə, mentalitetə və texniki bacarıqlara sahib futbolçuların ideal balansı var. Topa nəzarət edə bilir, eyni zamanda sürətli hücumlara çıxmağı bacarırlar”, - deyə Nevill “The Sun” nəşrinə açıqlamasında bildirib.

Qeyd edək ki, püşkatmanın nəticələrinə əsasən Fransa yığması I qrupunda Senegal, İraq və Norveç milliləri ilə mübarizə aparacaq. Fransızların ilk oyunu 16 iyunda Senegal yığmasına qarşı keçiriləcək.