- Dünya çempionatı
- 01:06 12.06.2026
2026-cı il futbol üzrə dünya çempionatının açılış matçında Meksika millisinin hücumçusu Xulian Kinyones 9-cu dəqiqədə fərqlənib və DÇ-2026-nın ilk qolunun müəllifi olub.
90deqiqe.Az-ın məlumatına görə, görüş Mexikodakı “Asteka” stadionunda keçirilir və hesab 1:0 Meksikanın xeyrinədir. Matçın baş hakimi braziliyalı Vilton Sampaio (Terezina-di-Qoyas)dır.
Qarşılaşma A qrupunda baş tutur. Meksika millisi 2-ci turda Cənubi Koreya (19 iyun), 3-cü turda isə Çexiya (25 iyun) ilə üz-üzə gələcək. Cənubi Afrika Respublikası isə 2-ci turda Çexiya (18 iyun), 3-cü turda isə Cənubi Koreya (25 iyun) ilə oynayacaq.
Qeyd edək ki, 2026-cı il dünya çempionatı 11 iyun – 19 iyul tarixlərində ABŞ, Kanada və Meksikada keçirilir. Hazırkı dünya çempionu Argentina millisidir. 2022-ci il finalında Argentina və Fransa qarşılaşıb. Əsas vaxt 3:3 hesabı ilə başa çatıb, penaltilərdə isə argentinalılar 4:2 hesabı ilə qalib gəliblər.
