Modriç dünya çempionatından sonra karyerasını bitirə bilər

İspaniyanın "AS" nəşrində cümə günü Xorvatiya millisinin yarımmüdafiəçisi Luka Modriçin gələcəyi ilə bağlı material dərc olunub.

90deqiqe.Az  xəbər verir ki, futbolçunun "Milan"la mövcud müqaviləsi iyunun sonunda başa çatır.

Məqalədə qeyd olunub ki, "əgər gözlənilməz dəyişiklik baş verməsə, onun dünya çempionatında iştirakı futbol ustalığının son dərslərinin nümayiş olunduğu səhnəyə çevriləcək".

Bildirilib ki, Luka Modriç hələ yekun qərarını verməyib, lakin bütün əlamətlər onun dünya çempionatından sonra karyerasını başa vuracağına işarə edir.

Xorvatiyalı futbolçu payızda 41 yaşını tamamlayacaq. O, ötən yay "Milan"a keçib və bundan əvvəl 13 mövsüm Madrid "Real"ının şərəfini qoruyub.