ABŞ millisi mundiallar tarixində ilkə imza atdı

ABŞ millisi dünya çempionatının qrup mərhələsində Paraqvayı 4:1 hesabı ilə məğlub edərək yeni rekord müəyyənləşdirib.

90deqiqe.Az xəbər verir ki, Maurisio Poçettinonun rəhbərlik etdiyi komanda üç xal toplayaraq D qrupunda liderliyə yüksəlib. Bununla yanaşı, vurulan dörd qol ABŞ millisinin dünya çempionatları tarixində bir oyunda qeydə aldığı ən yüksək göstərici olub. Komanda daha əvvəl mundial matçlarında heç vaxt dörd qol vurmayıb.

Meydan sahiblərinin heyətində Folarin Baloqun dubl müəllifi olub, Covanni Reyna isə bir dəfə fərqlənib. Qonaqların hesabına Damyan Bobadilyanın avtoqolu yazılıb. Paraqvayın yeganə qolunu isə Maurisio vurub.