Ralf Ranqnik Avstriya millisi ilə müqaviləni uzadıb

Avstriya milli komandasının baş məşqçisi Ralf Ranqnik yığma ilə yeni müqavilə imzalayıb.

90deqiqe.Az xəbər verir ki, mütəxəssislə imzalanan yeni əmək müqaviləsi 2028-ci ilə qədər qüvvədə olacaq. Bu barədə Avstriya Futbol Federasiyasının rəsmi saytı məlumat yayıb.

2026-cı il dünya çempionatında Avstriya millisi J qrupunda mübarizə aparacaq. Ranqnikin rəhbərlik etdiyi komandanın rəqibləri Argentina, Əlcəzair və İordaniya olacaq.

Futbol üzrə dünya çempionatı 2026-cı il 11 iyun – 19 iyul tarixlərində ABŞ, Kanada və Meksikada keçirilir.

Hazırkı dünya çempionu Argentina millisidir. 2022-ci il dünya çempionatının finalında Argentina Fransa yığması ilə qarşılaşıb. Əsas vaxt 3:3 hesabı ilə başa çatıb, penaltilər seriyasında isə argentinalılar 4:2 hesabı ilə qalib gəlib.