Fransa millisində Saliba sevinci

Fransa milli komandası dünya çempionatında ilk oyununa hazırlığını davam etdirir.

90deqiqe.Az xəbər verir ki, “üçrənglilər” üçün sevindirici məqam müdafiəçi Uilyam Salibanın komanda ilə məşqlərə qayıtmasıdır. 

Daha əvvəl futbolçunun məşqləri buraxdığı bildirilmişdi. O, Çempionlar Liqasının finalından sonra səhhətində problem yaşamışdı.

Fransa millisi dünya çempionatında çıxışına 16 iyun başlayacaq. Didye Deşamın komandası həmin gün Seneqal yığması ilə qarşılaşacaq. Oyun Bakı vaxtı ilə saat 22:00-da başlayacaq.

Qeyd edək ki, Fransa millisi əvvəlki iki dünya çempionatında finala qədər yüksəlib. 2018-ci ildə çempion olub, 2022-ci ildə isə finalda məğlubiyyətlə kifayətlənib.