Şotlandiya qələbə qazandı, Türkiyə məğlub oldu

ABŞ, Kanada və Meksikanın birgə ev sahibliyi etdiyi futbol üzrə dünya çempionatında qrup mərhələsinin növbəti oyunları keçirilib.

90deqiqe.Az  xəbər verir ki, C qrupunda mübarizə aparan Şotlandiya millisi mundialdakı ilk sınağında Haiti yığması ilə üz-üzə gəlib.

Gərgin mübarizə şəraitində keçən qarşılaşmada Şotlandiya minimal hesablı qələbə qazanıb. Matçın taleyini həll edən yeganə qol komandanın aktivinə üç xal yazdırıb.

D qrupunda isə Türkiyə millisi Avstraliya seçməsi ilə qarşılaşıb. "Ay-ulduzlular" üçün uğursuz alınan görüşdə rəqib komanda iki cavabsız qolla qalib gəlib – 0:2.

Beləliklə, Türkiyə yığması dünya çempionatına məğlubiyyətlə başlayıb, Avstraliya isə vacib üç xal əldə edib.

Qeyd edək ki, D qrupunun digər matçında ABŞ millisi Paraqvayı 4:1 hesabı ilə məğlub edərək turnirə uğurlu start vermişdi. Hazırda ABŞ və Avstraliya qrupda üç xalla liderlər sırasındadırlar.